Tattha khemavitakko bhagavato karuṇokkamanādinā vibhāvetabbo, pavivekavitakko samāpattīhi. Tatthāyaṃ vibhāvanā:- "ayaṃ loko santāpajāto dukkhapareto"tiādinā rāgaggiādīhi lokasannivāsassa ādittādiākāradassanehi mahākaruṇāsamāpattiyā pubbabhāge, samāpattiyampi paṭhamajjhānavasena vattabbo. Vuttañhetaṃ :-

"bahūhi ākārehi passantānaṃ buddhānaṃ bhagavantānaṃ

sattesu mahākaruṇā okkamati, āditto lokasannivāsoti passantānaṃ

buddhānaṃ bhagavantānaṃ sattesu mahākaruṇā okkamati. Uyyutto,