Gāthāsu taṇhāyogenāti taṇhāsaṅkhātena yogena, kāmayogena ca bhavayogena ca. Saṃyuttāti sambandhā bhavādīsu saṃyojitā vā. Tenevāha "rattacittā bhavābhave"ti. Khuddake ceva mahante ca bhave laggacittāti attho. Atha vā bhavoti sassatadiṭṭhi, abhavoti ucchedadiṭṭhi. Tasmā bhavābhave sassatucchedadiṭṭhīsu sattavisattacittāti. Etena bhavataṇhā vibhavataṇhā ca dassitā. Imasmiṃ pakkhe "taṇhāyogenā"ti iminā kāmataṇhāva dassitāti veditabbā. Te yogayuttā

Rāgo hi mārayogo mārapāsoti vuccati. Yathāha:-

"antalikkhacaro pāso yvāyaṃ carati mānaso

tena taṃ bādhayissāmi na me samaṇa mokkhasī"ti.