"yena yattha yadā yasmā vuttā gāthā ayaṃ imaṃ

vidhiṃ pakāsayitvāssā karissāmatthavaṇṇanan"ti

kena panāyaṃ gāthā vuttā, kattha, kadā, kasmā ca vuttāti. Vuccate:- yo so bhagavā catuvīsatibuddhasantike laddhabyākaraṇo yāva vessantarajātakaṃ, tāva pāramiyo pūretvā tusitabhavane uppajji, tatopi cavitvā sakyarājakule uppattiṃ gahetvā anupubbena katamahābhinikkhamano bodhirukkhamūle sammāsambodhiṃ abhisambujjhitvā dhammacakkaṃ pavattetvā devamanussānaṃ hitāya dhammaṃ desesi, tena bhagavatā sayambhunā anācariyakena sammāsambuddhena vuttā. Sā pana āḷaviyaṃ. Yadā ca bhūtagāmasikkhāpadaṃ paññattaṃ, tadā tattha upagatānaṃ dhammadesanatthaṃ vuttāti ayamettha saṅkhepavissajjanā. Vitthārato pana

Tattha dūrenidānaṃ nāma dīpaṅkarato yāva paccuppannavatthukathā, avidūrenidānaṃ nāma tusitabhavanato yāva paccuppannavatthukathā, santikenidānaṃ nāma bodhimaṇḍato yāva paccuppannavatthukathāti.