Paccekabuddhānaṃ pana kīvaciraṃ patthanā vaṭṭatīti? paccekabuddhānaṃ devaṃ Asaṅkhyeyyāni kappasatasahassañca. Tato oraṃ na sakkā. Pubbe vuttanayenevettha kāraṇaṃ veditabbaṃ. Ettakenāpi ca kālena paccekabuddhattaṃ patthayato abhinīhārakaraṇe pañca sampattiyo icchitabbā. Tesañhi:-

manussattaṃ liṅgasampatti vigatāsavadassanaṃ

adhikāro chandatā ete abhinīhārakāraṇā.

Tattha vigatāsavadassananti buddhapaccekabuddhasāvakānaṃ yassa kassaci dassananti attho. Sesaṃ vuttanayameva.