[110] Atītayobbanoti yobbanamaticca āsītiko vā nāvutiko vā hutvā āneti pariggaṇhāti. Timbarutthaninti timbaruphalasadisatthaniṃ taruṇadārikaṃ. Tassā issā na supatīti "daharāya nāma mahallakena saddhiṃ rati ca saṃvāso ca amanāpo, mā heva kho taruṇaṃ pattheyyā"ti issāya taṃ rakkhanto na supati. Yasmā kāmarāgena ca issāya ca dayhanto bahiddhā kammante ca appayojento parābhavatiyeva, tenassetaṃ imāya gāthāya issāya asupanaṃ ekaṃyeva parābhavamukhaṃ vuttaṃ.

@3-4 cha.Ma. imā pāṭhā na paññāyanti 5 cha.Ma. dhanappadānena

@6 ka. paṭṭheyyāti 7 cha.Ma. imaṃ issāya