tasmā hi ne rakkhatha appamattā"ti.
Tassattho:- ye manussā cittakammarūpakammādīhipi devatā katvā cetiyarukkhādīni ca upasaṅkamitvā devatā uddissa divā baliṃ karonti, kāḷapakkhādīsu ca rattiṃ baliṃ karonti. Salākabhattādīni vā datvā ārakkhadevatā upādāya yāva brahmadevatānaṃ pattidānaniyyātanena divā baliṃ karonti, chattāropanadīpamālāya sabbarattiṃ dhammassavanādīni kārāpetvā pattidānaniyyātanena ca rattiṃ baliṃ karonti, te kathaṃ na rakkhitabbā, yato evaṃ divā ca ratto ca tumhe uddissa karontiyeva baliṃ, tasmā hi ne rakkhathāti tasmā balikammakāraṇāpi ne manusse rakkhatha gopetha, ahitañca tesaṃ apanetha, hitaṃ upanetha appamattā hutvā taṃ kataññubhāvaṃ hadaye katvā niccamanussarantāti.
@3 cha.Ma. ubhayesampi khu.u. 25/76/224