3. Mahāvagga

1. Pabbajjāsuttavaṇṇanā

[408] Pabbajjaṃ kittayissāmīti pabbajjāsuttaṃ. Kā uppatti? bhagavati kira sāvatthiyaṃ viharante āyasmato ānandassa parivitakko udapādi "sāriputtādīnaṃ mahāsāvakānaṃ pabbajjā kittitā, taṃ bhikkhū ca upāsakā ca jānanti. Bhagavato pana akittitā, yannūnāhaṃ kitteyyan"ti. So jetavane vihāre āsane nisīditvā cittavījaniṃ gahetvā bhikkhūnaṃ bhagavato pabbajjaṃ kittento imaṃ suttaṃ abhāsi:-

"pabbajjaṃ kittayissāmi yathā pabbaji cakkhumā