Rājā dānaṃ datvā "kattha nukho bhagavā vihareyyā"ti bhagavato vihāraṭṭhānameva cintesi, na taṃ dānaṃ kassaci uddisi. Petā chinnāsā hutvā rattiṃ rañño nivesane ativiya bhiṃsanakaṃ vissaramakaṃsu. Rājā bhayasaṃvegasantāsamāpajjitvā tato pabhātāya rattiyā bhagavato ārocesi "evarūpaṃ saddamassosiṃ, kinnukho me bhante bhavissatī"ti. Bhagavā āha "mā bhāyi mahārāja, na te kiñci pāpakaṃ bhavissati, apica kho te purāṇañātakā petesu uppannā sanati, te ekaṃ buddhantaraṃ tameva paccāsiṃsamānā vicaranti `buddhassa dānaṃ datvā amhākaṃ uddisissatī'ti, na tesaṃ tvaṃ hiyyo uddisi, te chinnāsā tathārūpaṃ vissaramakaṃsū"ti.

So āha "idāni pana me bhante dinne labheyyun"ti. Āma mahārājāti. Tenahi me bhante adhivāsetu bhagavā ajjatanāya dānaṃ, tesaṃ uddisissāmīti. Bhagavā adhivāsesi. Rājā nivesanaṃ gantvā mahādānaṃ paṭiyādetvā bhagavato kālamārocāpesi. Bhagavā rājantepuraṃ gantvā paññatte āsane nisīdi saddhiṃ bhikkhusaṃghena. Te petā "api nāma ajja labheyyāmā"ti gantvā

@3 vinaYu. mahā. 4/58/49 bimbisārasamāgamakathā 4-4 cha.Ma., i. ime pāṭhā na dissanti