[583-6] Kiñca bhiyyo:- "yathāpi kumbhakārassa .pe. Jīvitanti. Tasmā "daharā ca .pe. Parāyanā"ti evaṃ gaṇha, evañca gahetvā "tesaṃ maccu .pe. Ñātī vā pana ñātake"ti evampi gaṇha. Yasmā ca na pitā tāyate puttaṃ, ñātī vā pana ñātake, tasmā pekkhataṃyeva .pe. Niyyati.

Tattha ayaṃ yojanā:- passamānānaṃyeva ñātīnaṃ "amma tātā"tiādinā nayena puthu anekappakārakaṃ lālapataṃyeva maccānaṃ ekameko macco yathā go vajjho evaṃ niyyati, evaṃ passa upāsaka yāva atāṇo lokoti.

[587] Tattha ye buddhapaccekabuddhādayo dhitisampannā, te "evamabbhāhato loko maccunā ca jarāya ca, so na sakkā kenaci parittāṇaṃ kātun"ti yasmā jānanti, tasmā dhīrā na socanti viditvā lokapariyāyaṃ, imaṃ lokasabhāvaṃ ñatvā na socantīti vuttaṃ hoti.