[708] Evaṃ paramasallekhaṃ moneyyavattaṃ vattukāmo nālakaṃ santhambhane daḷhībhāve ca niyojetvā paṭhamaṃ tāva gāmūpanibaddhakilesappahānaṃ dassento

@4 ka. sambhaveti 5 Sī. byavasānatthe "samānabhāgan"ti upaḍḍhagāthamāha. Tattha samānabhāganti samabhāgaṃ ekasadisaṃ ninnānākaraṇaṃ. Akkuṭṭhavanditanti akkosañca vandanañca.

Idāni yathā taṃ samānabhāgaṃ kayirati, taṃ upāyaṃ dassento "manopadosan"ti upaḍḍhagāthamāha. Tassattho:- akkuṭṭho manopadosaṃ rakkheyya vandito santo anuṇṇato careyya, raññāpi vandito samāno "maṃ vandatī"ti uddhaccaṃ nāpajjeyya.