[712] Evamassa methunaviratipāṇātipātaviratimukhena saṅkhepato pātimokkha- saṃvarasīlaṃ vatvā "hitvā kāme"tiādīhi indriyasaṃvarañca dassetvā idāni ājīvapārisuddhiṃ dassento "hitvā icchañca .pe. Tareyya narakaṃ iman"ti gāthamāha. Tassattho:- yāyaṃ taṇhā ekaṃ laddhā dutiyaṃ icchati, dve laddhā tatiyaṃ, satasahassaṃ laddhā taduttariṃ icchatīti evaṃ appaṭiladdhavisayaṃ icchanato "icchā"ti vuccati, yo cāyaṃ paṭiladdhavisayalubbhano lobho, taṃ hitvā icchañca lobhañca yattha satto puthujjano, yasmiṃ cīvarādipaccaye tehi icchālobhehi puthujjano satto laggo paṭibaddho tiṭṭhati, tattha taṃ ubhayampi hitvā paccayatthaṃ ājīvapārisuddhiṃ avirodhento ñāṇacakkhunā cakkhumā ca hutvā imaṃ

@icchañcātiādimāha 3 cha.Ma.,i. taduttarimpi 4 cha.Ma. casaddo na dissati Moneyyapaṭipadaṃ paṭipajjeyya. Evaṃ hi paṭipanno tareyya narakaṃ imaṃ, duppūraṇaṭṭhena narakasaññitaṃ micchājīvahetubhūtaṃ imaṃ paccayataṇhaṃ tareyya, imāya vā paṭipadāya tareyyāti vuttaṃ hoti.

[713] Evaṃ paccayataṇhappahānamukhena ājīvapārisuddhiṃ dassetvā idāni bhojane mattaññutāmukhena paccayaparibhogasīlaṃ, tadanusārena ca yāva arahattappatti, tāva paṭipadaṃ dassento:-