[1082] Adāni "atthaṃ paletī"ti sutvā tassa yoniso atthamasallakkhento "atthaṅgato so"ti gāthamāha. Tassattho:- so atthaṃ gato udāhu natthi, udāhu ve sassatiyā sassatabhāvena arogo avipariṇāmadhammo soti evaṃ taṃ me muni sādhu viyākarohi. Kiṃkāraṇaṃ? tathā hi te vidito esa dhammoti.

@4 ka. bhavetha 5 ka. nāmakāyassa

[1083] Athassa bhagavā tathā avattabbataṃ dassento "atthaṅgatassā"ti gāthamāha. Tattha atthaṅgatassāti anupādāparinibbutassa. Na pamāṇamatthīti rūpādippamāṇaṃ natthi. Yena naṃ vajjunti yena rāgādinā naṃ vadeyyuṃ. Sabbesu dhammesūti sabbesu khandhādidhammesu. Sesaṃ sabbattha pākaṭameva.