evaṃ bhagavā dānādīhi nidhiyamānassa puññamayanidhino cetiyādibhedaṃ vatthuṃ dassetvā idāni etesu vatthūsu nihitassa tassa nidhino gambhīre udakantike nihitanidhito visesaṃ dassento āha:-

[8] "eso nidhi sunihito ajeyyo anugāmiko

pahāya gamanīyesu etaṃ ādāya gacchatī"ti.

Tattha pubbapadena taṃ dānādīhi sunihitanidhiṃ niddisati "eso nidhi sunihito"ti. Ajeyyoti parehi jetvā gahetuṃ na sakkā, ajayyotipi pāṭho,