Athavā yā pubbe suvaṇṇatādīhi avuttā "sūrā satimanto idha brahmacariyavāso"ti evamādinā nayena niddiṭṭhā paññāveyyattiyādibhedā ca mānussikā sampatti, aparā devaloke ca yā jhānādirati, yā ca yathāvuttappakārā nibbānasampatti cāti idampi tatiyaṃ odhiso sabbametena labbhatīti. Evamettha atthavaṇṇanā veditabbā.

Cuddasamagāthāvaṇṇanā

[14] Evamimāya gāthāya puññānubhāvena labhitabbaṃ saddhānusāribhāvādi- vasena pattabbaṃ nibbānasampattimpi dassetvā idāni tevijjaubhatobhāgavimutti- vasībhāvavasenāpi pattabbaṃ tameva tassa upāyañca dassento:-