3. Ānandaseṭṭhivatthu. (47)
"puttā matthi dhanamatthīti imaṃ dhammadesanaṃ satthā sāvatthiyaṃ viharanto ānandaseṭṭhiṃ ārabbha kathesi.
Sāvatthiyaṃ kira ānandaseṭṭhī nāma asītikoṭivibhavo mahāmaccharī ahosi. So anvaḍḍhamāsaṃ ñātake sannipātetvā puttaṃ mūlasiriṃ nāma tīsu velāsu evaṃ ovadati "idaṃ cattāḷīsakoṭidhanaṃ bahūti saññaṃ mā akari, vijjamānaṃ dhanaṃ na dātabbaṃ, navaṃ dhanaṃ uppādetabbaṃ, ekekampi hi kahāpaṇaṃ vayaṃ karontassa, dhanaṃ khiyateva; tasmā
añjanānaṃ khayaṃ disvā upacikānañca ācayaṃ