"puttā matthi, dhanamatthi iti bālo vihaññati,

attā hi attano natthi, kuto puttā, kuto dhananti.

Tassattho "puttā me atthi, dhanaṃ me atthi iti bālo puttataṇhāya ceva dhanataṇhāya ca haññati vihaññati dukkhīyati; "puttā me nassiṃsūti vihaññati, "nassantīti vihaññati, "nassissantīti vihaññati. Dhanepi eseva nayo. Iti chahākārehi vihaññati, "putte posessāmīti rattiñca divā ca thalapathajalapathādīsu nānappakārato vāyamantopi vihaññati, "dhanaṃ uppādessāmīti kasivaṇijjādīni karontopi vihaññateva; evaṃ vihaññantassa ca