"na taṃ kammaṃ kataṃ sādhu yaṃ katvā anutappati,

yassa assumukho rodaṃ vipākaṃ paṭisevatīti.

Tattha "yaṃ katvāti: yaṃ nirayādīsu nibbattanasamatthaṃ dukkhudriyaṃ kammaṃ katvā anussaranto anussaritānussaritakkhaṇe anutappati Anusocati, taṃ kataṃ na sādhu na sundaraṃ na siliṭṭhakaṃ. Yassa assumukhoti: yassa assūhi tintamukho rodanto vipākaṃ anubhotīti.

Desanāvasāne kasakaupāsako sotāpattiphalaṃ patto. Sampattabhikkhūpi bahū sotāpattiphalādīni pāpuṇiṃsūti.