kiṃkāraṇā samma tuvaṃ pamajjasīti. Atha naṃ puna pucchi "tissa kahaṃ vasasīti. "imasmiṃ pabbhāre bhanteti. "tattha pana vasanto kiṃ cintesīti. "mayā marantena imasmiṃ ṭhāne katassa sarīranikkhepassa paricchedo natthīti cintesiṃ bhanteti. "sādhu sādhu tissa, evametaṃ, imesaṃ hi sattānaṃ paṭhaviyaṃ nipajjitvā amataṭṭhānaṃ nāma natthīti vatvā

"upasāḷhakanāmānaṃ sahassāni catuddasa

asmiṃ padese daḍḍhāni natthi loke anāmataṃ.

Yamhi saccañca dhammo ca ahiṃsā saññamo damo,