TIPITAKA Volume 25 : PALI ROMAN Sutta Pitaka Vol 17 : Sutta. Khu. khuddakapāṭho-dhammapadagāthā-udānaṃ-itivuttakaṃ-suttanipāto

[243] 6 Vuttaṃ hetaṃ bhagavatā vuttamarahatāti me sutaṃ tīṇīmāni bhikkhave sucaritāni katamāni tīṇi kāyasucaritaṃ vacīsucaritaṃ manosucaritaṃ . Imāni kho bhikkhave tīṇi sucaritānīti . etamatthaṃ bhagavā avoca . Tatthetaṃ iti vuccati kāyaduccaritaṃ hitvā vacīduccaritāni ca manoduccaritaṃ hitvā yañcaññaṃ dosasañhitaṃ @Footnote: 1 Po. saṅkhaṃ na upeti vedagū. Akatvākusalaṃ 1- kammaṃ katvāna kusalaṃ bahuṃ kāyassa bhedā sappañño saggaṃ so upapajjatīti. Ayampi attho vutto bhagavatā iti me sutanti. Chaṭṭhaṃ.