โลเก อทินฺนํ ปริวชฺชยามิ

อมชฺชโป โน จ มุสา ภณามิ

สเกน ทาเรน จ โหมิ ตุฏฺโฐ"ติ คาถาทฺวยมาห. ตมฺปิ สุวิญฺเญยฺยเมว.

ตโต เทวปุตฺโต "กตํ มยา พฺราหฺมณสฺส กตฺตพฺพยุตฺตกํ, อิทานิ สยเมว ภควนฺตํ อุปสงฺกมิสฺสตี"ติ ตตฺเถว อนฺตรธายิ. พฺราหฺมโณปิ โข ภควติ สญฺชาต- ปสาทพหุมาโน เทวตาย จ โจทิยมาโน "สมณํ โคตมํ อุปสงฺกมิสฺสามี"ติ วิหาราภิมุโข คจฺฉติ. ตํ ทิสฺวา มหาชโน "อยํ พฺราหฺมโณ เอตฺตกํ กาลํ ตถาคตํ อนุปสงฺกมิตฺวา อชฺช ปุตฺตโสเกน อุปสงฺกมติ, กีทิสี นุ โข ธมฺมเทสนา ภวิสฺสตี"ติ ตํ อนุพนฺธิ.