@๓ สี. กึ ตฺวํ อุมฺมตฺตโก ชาโตสิ

ตตฺถ กึ นูติ ปุจฺฉาวจนํ. อุมฺมตฺตรูโปวาติ อุมฺมตฺตกสภาโว วิย จิตฺตกฺเขปํ ปตฺโต วิย. ลายิตฺวาติ ลวิตฺวา. หริตํ ติณนฺติ อลฺลติณํ. ลปสีติ ๑- วิลปสิ. คตสตฺตนฺติ วิคตชีวิตํ. ชรคฺควนฺติ พลิพทฺทํ ชิณฺณโคณํ. อนฺเนน ปาเนนาติ ตยา ทินฺเนน หริตติเณน วา ปานีเยน วา. มโต โคโณ สมุฏฺฐเหติ กาลกโต โคโณ ลทฺธชีวิโต หุตฺวา น หิ สมุฏฺฐเหยฺย. ตฺวํสิ พาโล จ ทุมฺเมโธติ ตฺวํ พาลฺยโยคโต พาโล, เมธาสงฺขาตาย ปญฺญาย อภาวโต ทุมฺเมโธ อสิ. ยถา ตญฺโญว ทุมฺมตีติ ยถา ตํ อญฺโญปิ นิปฺปญฺโญ ๒- วิปฺปลเปยฺย, เอวํ ตฺวํ นิรตฺถกํ วิปฺปลปสีติ อตฺโถ, ยถา ตนฺติ นิปาตมตฺตํ. ๓- ทุมฺมตีติ วา ตฺวํ ปญฺญวาปิ สมาโน อญฺโญ อุมฺมตฺตปุคฺคโล วิย อุมฺมุโข หุตฺวา วิปฺปลปสีติ อตฺโถ. ๓-

ตํ สุตฺวา สุชาโต ปิตรํ สญฺญาเปตุํ อตฺตโน อธิปฺปายํ ปกาเสนฺโต:-