อุปนิกฺขมสฺสุ ภทฺเท ปสฺสาม ตํ พหิฏฺฐิตนฺ"ติ คาถมาห.

ตตฺถ หนฺทาติ คณฺห. อุตฺตรียนฺติ อุปสํพฺยานํ ๑-, อุตฺตริสาฏกนฺติ อตฺโถ. ททามิ เตติ ตุยฺหํ ททามิ. อิทํ ทุสฺสํ นิวาสยาติ อิทํ มม อุตฺตริสาฏกํ ตฺวํ นิวาเสหิ. โสภเนติ สุนฺทรรูเป.

เอวญฺจ ปน วตฺวา อตฺตโน อุตฺตริสาฏกํ ตสฺสา อุปเนสิ, สา ตถา ๒- ทิยฺยมานสฺส อตฺตโน อนุปกปฺปนียตญฺจ, ตถา ๓- ทิยฺยมานํ อุปกปฺปติ, ตญฺจ ทสฺเสนฺตี:-

[๖๑] "หตฺเถน หตฺเถ เต ทินฺนํ น มยฺหํ อุปกปฺปติ