สุขํ วิราธาย ทุกฺขชฺช ปตฺตา"ติ อิมํ คาถมาห.

ตตฺถ กึ ตุมฺหากํ โภชนนฺติ กีทิสํ ตุมฺหากํ โภชนํ. กึ สยานนฺติ กีทิสํ สยนํ. "กึ สยานา"ติ เกจิ ปฐนฺติ, กีทิสา สยนา, กีทิเส สยเน สยถาติ อตฺโถ.

@๔ ม. ปุญฺญานุภาวสิทฺเธน ๕ สี. สยํ ปเวเทตฺวา กถญฺจ ยาเปถาติ เกน ปกาเรน ยาเปถ, "กถํ โว ยาเปถา"ติปิ ปาโฐ, กถํ ตุเมฺห ยาเปถาติ อตฺโถ. สุปาปธมฺมิโนติ สุฏฺฐุ อติวิย ปาปธมฺมา. ปหูตโภเคสูติ อปริยนฺเตสุ อุฬาเรสุ โภเคสุ สนฺเตสุ. อนปฺปเกสูติ น อปฺปเกสุ พหูสุ. สุขํ วิราธายาติ สุขเหตุโน ปุญฺญสฺส อกรเณน สุขํ วิรชฺฌิตฺวา วิราเธตฺวา. "สุขสฺส วิราเธนา"ติ เกจิ ปฐนฺติ. ทุกฺขชฺช ปตฺตาติ อชฺช อิทานิ อิทํ เปตโยนิปริยาปนฺนํ ทุกฺขํ อนุปฺปตฺตาติ.