ตา อุโภปิ เอกสฺมึ ทิวเส สีสํ นฺหาตฺวา อลฺลเกสา ๑- อฏฺฐํสุ, กุฏุมฺพิโก คุณวเสน ติสฺสาย อาพทฺธสิเนโห มนุญฺเญน ๒- หทเยน ตาย สทฺธึ พหุํ สลฺลปนฺโต อฏฺฐาสิ. ตํ อสหมานา มตฺตา อิสฺสาปกตา เคเห สมฺมชฺชิตฺวา ฐปิตํ สงฺการํ ติสฺสาย มตฺถเก โอกิริ. สา อปเรน สมเยน กาลํ กตฺวา เปตโยนิยํ นิพฺพตฺติตฺวา อตฺตโน กมฺมพเลน ปญฺจวิธํ ทุกฺขํ อนุภวติ, ตํ ปน ทุกฺขํ ปาฬิโต เอว วิญฺญายติ. อเถกทิวสํ สา เปตี สญฺจฺยาย วีติวตฺตาย เคหสฺส ปิฏฺฐิปสฺเส นฺหายนฺติยา ติสฺสาย อตฺตานํ ทสฺเสสิ. ตํ ทิสฺวา ติสฺสา:-

[๑๓๔] "นคฺคา ทุพฺพณฺณรูปาสิ กิสา ธมนิสนฺถตา

อุปฺผาสุลิเก กิสิเก กา นุ ตฺวํ อิธ ติฏฺฐสี"ติ คาถาย ปฏิปุจฺฉิ. อิตรา:-

[๑๓๕] "อหํ มตฺตา ตุวํ ติสฺสา สปตี เต ปุเร อหุํ