อวิทูเร ๒- นิสินฺโนสิ อาคจฺฉ มม สนฺติเก"ติ คาถมาห.

ตํ สุตฺวา องฺกุโร "ภควา มยา จิรกาลํ พหุํ เทยฺยธมฺมํ ปริจฺจชิตฺวา ปวตฺติตมฺปิ มหาทานํ ทกฺขิเณยฺยสมฺปตฺติวิรเหน อเขตฺเต วุตฺตพีชํ วิย น อุฬารผลํ อโหสิ, อินฺทกสฺส ปน กฏจฺฉุภิกฺขาทานมฺปิ ทกฺขิเณยฺยสมฺปตฺติยา สุเขตฺเต วุตฺตพีชํ วิย อติวิย อุฬารผลํ ชาตนฺ"ติ อาห. ตมตฺถํ ทสฺเสนฺตา สงฺคีติการา:-

[๓๑๗] "ตาวตึเส ยทา พุทฺโธ สิลายํ ปณฺฑุกมฺพเล

ปาริจฺฉตฺตกมูลมฺหิ วิหาสิ ปุริสุตฺตโม.