สพฺพมฺปิ ตาหํ อภิสทฺทเหยฺยํ

ทิสฺวาว ตํ โนปิ เจ สทฺทเหยฺยํ

กเรยฺยาสิ เม ยกฺข นิยสฺสกมฺมนฺ"ติ คาถมาห.

ตสฺสตฺโถ:- อหํ ยงฺกิญฺจิเทว จกฺขุนา ปสฺสิสฺสามิ, ตํ สพฺพมฺปิ ตเถว อหํ อภิสทฺทเหยฺยํ ๑-, ตํ ปน ทิสฺวาว ตํ วจนํ โนปิ เจ สทฺทเหยฺยํ ๒-, ยกฺข มยฺหํ นิยสฺสกมฺมํ นิคฺคหกมฺมํ กเรยฺยาสีติ. อถ วา ยงฺกิญฺจหํ จกฺขุนา ปสฺสิสฺสามีติ อหํ ยงฺกิญฺจิเทว จกฺขุนา ปสฺสิสฺสามิ อจกฺขุโคจรสฺส ๓- อทสฺสนโต. สพฺพมฺปิ ตาหํ อภิสทฺทเหยฺยนฺติ สพฺพมฺปิ เต อหํ ทิฏฺฐํ สุตํ อญฺญํ วา อภิสทฺทเหยฺยํ. ตาทิโส หิ มยฺหํ ตยิ อภิปฺปสาโทติ อธิปฺปาโย. ปจฺฉิมปทสฺส ปน ยถาวุตฺโตว อตฺโถ.