โพธเนยฺยโพธนตฺโถ หิ พเลสุ วสีภาโว. ปจฺเจกํ สยเมว โพธีติ ปจฺเจกสมฺโพธิ, อนนุพุทฺโธ ๖- สยมฺภูญาเณน สจฺจาภิสมโยติ อตฺโถ. สมฺมาสมฺพุทฺธานํ หิ สยมฺภู- ญาณตาย สยเมว ปวตฺตมาโนปิ สจฺจาภิสมโย สานุพุทฺโธ อปริมาณานํ ๗- สตฺตานํ สจฺจาภิสมยสฺส เหตุภาวโต. อิเมสํ ปน โส เอกสฺสาปิ สตฺตสฺส สจฺจาภิสมยเหตุ น โหติ. สตฺถุ ธมฺมเทสนาย สวนนฺเต ชาตาติ สาวกา. สาวกานํ สจฺจาภิสมโย สาวกสมฺโพธิ. ติวิธาเปสา ติณฺณํ โพธิสตฺตานํ ยถาสกํ อาคมนียปฏิปทาย

@๕ ขุ. มหา. ๒๙/๘๙๓/๕๖๐ สารีปุตฺตสุตฺตนิทฺเทส, ขุ.จูฬ. ๓๐/๕๔๖/๒๗๑

@ โสฬสมาณวกปญฺหานิทฺเทส, ขุ.ปฏิ. ๓๑/๓๘๖/๒๖๑ อานาปานกถา (สุยา)