สุขสทฺโท ปน "วิปิฏฺฐิกตฺวาน สุขํ ทุกฺขญฺจ, ปุพฺเพว จ โสมนสฺสโทมนสฺสนฺ"ติ- อาทีสุ ๙- สุขเวทนายํ อาคโต. "สุโข พุทฺธานมุปฺปาโท, ๑๐- สุขา สทฺธมฺมเทสนา"ติ- อาทีสุ ๑๑- สุขมูเล. "สุขสฺเสตํ ภิกฺขเว อธิวจนํ ยทิทํ ปุญฺญานี"ติอาทีสุ ๑๒- สุขเหตุมฺหิ. "ยสฺมา จ โข มหาลิ รูปํ สุขํ สุขานุปติตํ สุขาวกฺกนฺตนฺ"ติอาทีสุ ๑๓- สุขารมฺมเณ, "ทิฏฺฐธมฺมสุขวิหารา เอเต จุนฺท อริยสฺส วินเย"ติอาทีสุ ๑๔- อพฺยาปชฺเช. "นิพฺพานํ ปรมํ สุขนฺ"ติอาทีสุ ๑๕- นิพฺพาเน. "ยาวญฺจิทํ ภิกฺขเว น สุกรํ อกฺขาเนน ปาปุณิตุํ ยาว สุขา สคฺคา"ติอาทีสุ ๑๖- สุขปฺปจฺจยฏฺฐาเน. "โสวคฺคิกํ สุขวิปากํ สคฺคสํวตฺตนิกนฺ"ติอาทีสุ ๑๗- อิฏฺเฐ, ปิยมนาเปติ อตฺโถ. อิธาปิ

@๔ สี. ปรภตฺเต ๕ ขุ.เถร. ๒๖/๑๑๕๓/๔๑๖ มหาโมคฺคลฺลานตฺเถรคาถา

@๖ ม.ม. ๑๓/๒๙๑/๒๖๖ ฆฏิการสุตฺต ๗ วินย.มหาวิ. ๑/๓๔๙/๒๖๓ สํฆาทิเสสกณฺฑ