เตติ เตสทฺโท "น เต สุขํ ปชานนฺติ, เย น ปสฺสนฺติ นนฺทนนฺ"ติอาทีสุ ๔- ตสทฺทสฺส วเสน ปจฺจตฺตพหุวจเน อาคโต.

"นโม เต ปุริสาชญฺญ

นโม เต ปุริสุตฺตม ๕-

นโม เต พุทฺธวีรตฺถู"ติ ๖- จ อาทีสุ ตุมฺหสทฺทสฺส วเสน สมฺปทาเน, ตุยฺหนฺติ อตฺโถ. "กินฺเต ทิฏฺฐํ กินฺติ เต สุตํ. อุปธี เต สมติกฺกนฺตา, อาสวา เต ปทาลิตา"ติ ๗- จ อาทีสุ กรเณ. "กินฺเต วตํ กึ ปน พฺรหฺมจริยนฺ"ติอาทีสุ ๘- สามิอตฺเถ. อิธาปิ สามิอตฺเถ ทฏฺฐพฺโพ. ตวาติ หิ อตฺโถ.