[๕] ตตฺถ โยติ อนิยมิตนิทฺเทโส, ตสฺส "โส"ติ อิมินา นิยมตํ ๗- ทฏฺฐพฺพํ. อุภเยนปิ อญฺญํ วิย กตฺวา อตฺตานเมว วทติ. ทุทฺทมโยติ ทุทฺทโม, ทเมตุํ อสกฺกุเณยฺโย. อิทญฺจ อตฺตโน ปุถุชฺชนกาเล ทิฏฺฐิคตานํ วิสุกายิกานํ ตํ กิเลสานํ ๘- มทาวิเลปกจิตฺตสฺส ๙- วิปฺผนฺทิตํ ๑๐- อินฺทฺริยานํ อวูปสมนญฺจ จินฺเตตฺวา วทติ. ทเมนาติ อุตฺตเมน อคฺคมคฺคทเมน, เตน หิ ทนฺโต ปุน ๑๑- ทเมตพฺพตาภาวโต "ทนฺโต"ติ วตฺตพฺพตํ อรหติ, น อญฺเญน. อถวา ทเมนาติ ทมเกน ปุริสทมฺมสารถินา ทมิโต.

@๓ ฉ.ม...ภตฺติกสฺส ๔ สี. ปริภินฺนาติ ๕ ฉ.ม. สติวินเยน

@๖-๖ ฉ.ม."โย ทุทฺทมิโย"ติ อิมํ คาถํ อภาสิ ๗ ฉ.ม. นิยมตฺตํ, ม. นิยมิตํ