@๗ ม. อภิสเมจฺจ อภิสมเย จ ๘ ฉ.ม. สพฺเพสุ อารมฺมเณสุ ธมฺเมสุ ลาภาทิโลกธมฺเม สมติกฺกมํ ทสฺเสติ. โลกสฺสาติ อุปาทานกฺขนฺธปญฺจกสฺส. ตํ หิ ลุชฺชนปลุชฺชนตฺเถน โลโก. ชญฺญาติ ชานิตฺวา. อุทยพฺพยญฺจาติ อุปฺปาทญฺเจว วยญฺจ, เอเตน ยถาวุตฺตคุณานํ ปุพฺพภาคปฏิปทํ ทสฺเสติ. อยํ ปเนตฺถ อตฺโถ:- โย สกลสฺส ขนฺธาทิโลกสฺส สมปญฺญาสาย อากาเรหิ อุทยพฺพยํ ชานิตฺวา เวทคู ยตตฺโต กตฺถจิ อนุปลิตฺโต, โส สพฺพตฺถ อเปกฺขํ วิเนยฺย ๑- สนฺตุสฺสิโต ตาทิสานํ วิปฺปการานํ น กิญฺจิ มญฺญติ, ๒- ตสฺมา ตฺวํ อนฺธพาเล ยถาคตมคฺเคเนว คจฺฉาติ. อถ สา อิตฺถี "อยํ สมโณ มยิ ปุตฺเต จ นิรเปกฺโข, น สกฺกา อิมํ ปโลเภตุนฺ"ติ ๓- ปกฺกามิ.

ปุณฺณมาสตฺเถรคาถาวณฺณนา นิฏฺฐิตา.

ปรมตฺถทีปนิยา เถรคาถาสํวณฺณนาย

ปฐมวคฺควณฺณนา นิฏฺฐิตา.