มญฺเญหํ กามราคํ โส ขิปฺปเมว ปหียตี"ติ คาถํ อภาสิ. ๘-

[๑๘] ตตฺถ อหูติ โหติ, วตฺตมานตฺเถ หิ อิทํ อตีตกาลวจนํ. พุทฺธสฺสาติ สพฺพญฺญุพุทฺธสฺส. ทายาโทติ ธมฺมทายาโท นววิธสฺส โลกุตฺตรธมฺมทายสฺส ๙- อตฺตโน สมฺมาปฏิปตฺติยา อาทายโก คณฺหนโก. อถวา อหูติ อโหสิ. เอวํนามสฺส พุทฺธสฺส ทายาทภาเว โกจิ นิพนฺโธ อิทาเนว ภวิสฺสตีติ อธิปฺปาโย. เตนาห "มญฺเญหํ กามราคํ โส, ขิปฺปเมว ปหียตี"ติ. ๑๐- เภสกฬาวเนติ เภสเกน นาม ยกฺเขน ลภิตตฺตา ปริคฺคหิตตฺตา, เภสกฬานํ วา กฬาทีนํ ๑๑- พหุลตาย "เภสกฬาวนนฺ"ติ ลทฺธนาเม อรญฺเญ. ตสฺส ภิกฺขุโน พุทฺธสฺส ทายาทภาเว การณํ ๑๒- วทนฺโต "เกวลํ อฏฺฐิสญฺญาย, ๑๓- อผรี ปฐวึ อิมนฺ"ติ อาห. ตตฺถ เกวลนฺติ สกลํ อนวเสสํ.

@๕ ฉ.ม. สุสุมารคิเร ๖ ม. ภาวนาพลํ ๗ สี. กริสฺสามีติ