@๓ สี.เอวํนามกา นที ๔ ม. ปฏฺฐเปสีติ พนฺธนสงฺขาตานํ ๑- วา สพฺพสํโยชนานํ สมุจฺฉินฺนตฺตา เกนจิปิ พนฺธเนน อพทฺโธ, ตโตเอว เอชานํ ๒- กิเลสานํ อภาวโต อเนโช โส ควมฺปติ, ตํ สพฺพสงฺคาติคตํ ตาทิสํ สพฺเพปิ ราคโทสโมหมานทิฏฺฐิสงฺเค อติกฺกมิตฺวา ฐิตตฺตา สพฺพสงฺคาติคตํ, อเสกฺขมุนิภาวโต มหามุนึ, ตโตเอว กามกมฺมภวาทิเภทสฺส ๓- สกลสฺสปิ ภวสฺส ปารํ นิพฺพานํ คตตฺตา ภวสฺส ปารคุํ. เทวา นมสฺสนฺตีติ เทวาปิ นมสฺสนฺติ, ปเคว อิตรา ปชาติ.

คาถาปริโยสาเน มหโต ชนกายสฺส ธมฺมาภิสมโย อโหสิ. เถโร อญฺญํ พฺยากโรนฺโต "สตฺถารํ ปูเชสฺสามี"ติ อิมเมว คาถํ อภาสีติ.

ควมฺปติตฺเถรคาถาวณฺณนา นิฏฺฐิตา.