น เต ทุกฺขา ปมุตฺยตฺถิ อุปฺปจฺจาปิ ปลายโต'ติ ๖- เอวํ ภณาหี"ติ. เอวญฺจ ปน วตฺวา ยกฺขินีมาตา ตตฺเถวนฺตรธายิ. มนุสฺสมาตา ปน ตํ สุตฺวา ปริเทวโสกสมาปนฺนา เจโตทุกฺขสมปฺปิตา อโหสิ. อถ สานุสามเณโร ปุพฺพณฺหสมยํ นิวาเสตฺวา ปตฺตจีวรมาทาย มาตุ สนฺติกํ อุปคโต มาตรํ โรทมานํ ทิสฺวา "อมฺม กึ นิสฺสาย โรทสี"ติ วตฺวา "ตํ นิสฺสายา"ติ จ วุตฺโต มาตุ:-

๗- "มตํ วา อมฺม โรทนฺติ โย วา ชีวํ น ทิสฺสติ

ชีวนฺตํ มํ อมฺม ปสฺสนฺตี กสฺมา มํ อมฺม โรทสี"ติ คาถํ อภาสิ. ๗-