@ ขุ.มหา. ๒๙/๖๙๗/๔๐๖ มหาวิยูหสุตฺตนิทฺเทส (สฺยา), ขุ.จูฬ. ๓๐/๑๖๔/๘๔

@ เมตฺตคูมาณวกปญฺหานิทฺเทส (สฺยา) ๓ สี. เอวํเปตฺถ สมฺปทานวเสน อตฺโถ

@๔ ปทานํ เหตุอตฺถตา (อุทาน-ฏฺฐ ๒๓๒ ปิฏฺเฐ) อิฏฺฐวิโยคาทิวตฺถุกา โสกา จิตฺตสนฺตาปา น โหนฺติ. อถวา ตาทิโนติ ตาทิ- ลกฺขณปฺปตฺตสฺส อเสกฺขมุนิโน โสกา น ภวนฺตีติ. ๑- อุปสนฺตสฺสาติ ราคาทีนํ อจฺจนฺตูปสเมน อุปสนฺตสฺส. สทา สตีมโตติ สติเวปุลฺลปฺปตฺติยา นิจฺจกาลํ สติยา อวิรหิตสฺส.

เอตฺถ จ "อธิเจตโส"ติ อิมินา อธิจิตฺตสิกฺขา, "อปฺปมชฺชโต"ติ อิมินา อธิสีลสิกฺขา, "มุนิโน โมนปเถสุ สิกฺขโต"ติ เอเตหิ อธิปญฺญาสิกฺขา. "มุนิโน"ติ วา เอเตน อธิปญฺญาสิกฺขา, "โมนปเถสุ สิกฺขโต"ติ เอเตน ตาสํ โลกุตฺตรสิกฺขานํ ปุพฺพภาคปฏิปทา, "โสกา น ภวนฺตี"ติอาทีหิ สิกฺขาปาริปูริยา อานิสํสา ๒- ปกาสิตาต เวทิตพฺพํ. อยเมว จ เถรสฺส อญฺญาพฺยากรณคาถา อโหสิ.