มนุสฺเสสุ จ เทเวสุ สีลปญฺญาณโต ชยนฺ"ติ คาถํ อภาสิ.

ตตฺถ สีลนฺติ สีลนฏฺเฐน สีลํ, ปติฏฺฐานฏฺเฐน สมาธานฏฺเฐน จาติ อตฺโถ. สีลํ หิ สพฺพคุณานํ ปติฏฺฐา, เตนาห "สีเล ปติฏฺฐาย นโร สปญฺโญ"ติ. ๓- สมาทหติ จ ตํ กายวาจาอวิปฺปกิณฺณํ กโรตีติ อตฺโถ. ตยิทํ สีลเมว อคฺคํ สพฺพคุณานํ

@๓ สํ.สคา. ๑๕/๒๓/๑๖ ชฏาสุตฺต มูลภาวโต ปมุขภาวโต จ. ยถาห "ตสฺมาติห ตฺวํ ภิกฺขุ อาทิเมว วิโสเธหิ กุสเลสุ ธมฺเมสุ. โก จาทิ กุสลานํ ธมฺมานํ สีลญฺจ สุวิสุทฺธนฺ"ติ, ๑- "ปาติโมกฺขนฺติ มุขเมตํ ปมุขเมตนฺ"ติ ๒- จ อาทิ. อิธาติ นิปาตมตฺตํ. ปญฺญวาติ ญาณสมฺปนฺโน. โส อุตฺตโม เสฏฺโฐ ปวโรติ ปุคฺคลาธิฏฺฐานาย คาถาย ปญฺญายเยว เสฏฺฐภาวํ ทสฺเสติ. ปญฺญุตฺตรา หิ กุสลา ธมฺมา. อิทานิ ตํ สีลปญฺญานํ อคฺคเสฏฺฐภาวํ การณโต ทสฺเสติ "มนุสฺเสสุ จ เทเวสุ, สีลปญฺญาณโต ชยนฺ"ติ จ. สีลปญฺญาณเหตุ ปฏิปกฺขชโย กามกิเลสชโย โหตีติ อตฺโถ.