ตตฺถ อเนกชาติสํสารนฺติ อเนกชาติสตสหสฺสสงฺขฺยํ อิทํ สํสารวฏฺฏํ, อทฺธุโน อธิปฺเปตตฺตา อจฺจนฺตสํโยเคกวจนํ. สนฺธาวิสฺสนฺติ สํสรึ, อปราปรํ จวนุปฺปชฺชน- วเสน ปริพฺภมึ. อนิพฺพิสนฺติ ตสฺส นิวตฺตกญาณํ อวินฺทนฺโต อลภนฺโต. ตสฺส เมติ เอวํ สํสรนฺตสฺส เม. ทุกฺขชาตสฺสาติ ชาติอาทิวเสน อุปฺปนฺนทุกฺขสฺส, ติสฺสนฺนํ วา ทุกฺขตานํ ๑- วเสน ทุกฺขสภาวสฺส. ทุกฺขกฺขนฺโธติ กมฺมกิเลสวิปากวฏฺฏปฺปกาโร ๒- ทุกฺขราสิ. อปรทฺโธติ อรหตฺตมคฺคปฺปตฺติโต ปฏฺฐาย ปริพฺภฏฺโฐ จุโต น อภินิพฺพตฺติสฺสติ. ๓- "อปรฏฺโฐ"ติ วา ปาโฐ, อปคตสมิทฺธิโต ๔- สมุจฺฉินฺนการณตฺตา อปคโตติ อตฺโถ. อิทเมว จ เถรสฺส อญฺญาพฺยากรณํ อโหสิ.

เมณฺฑสิรตฺเถรคาถาวณฺณนา นิฏฺฐิตา.

@๓ สี. น ทานิ ปวตฺติสฺสติ ๔ สี. อปวตฺติสํสิทฺธิโต