ยา ปน ๒- ภควตา โอวาทวเสน วุตฺตา "สีหปฺปมตฺโต"ติ คาถา, ตตฺถ สีหาติ ตสฺส เถรสฺส อาลปนํ. อปฺปมตฺโต วิหราติ สติยา อวิปฺปวาเสน ปมาทวิรหิโต สพฺพิริยาปเถสุ สติสมฺปชญฺญยุตฺโต หุตฺวา วิหราหิ. อิทานิ ตํ อปฺปมาทวิหารํ สห ผเลน สงฺเขปโต ทสฺเสตุํ "รตฺตินฺทิวนฺ"ติอาทิ วุตฺตํ. ตสฺสตฺโถ:- รตฺติภาคํ ทิวสภาคญฺจ "จงฺกเมน นิสชฺชาย อาวรณีเยหิ ธมฺเมหิ จิตฺตํ ปริโสเธตี"ติ ๓- วุตฺตนเยน จตุสมฺมปฺปธานวเสน อตนฺทิโต อกุสีโต อารทฺธวิริโย กุสลํ สมถวิปสฺสนาธมฺมญฺจ โลกุตฺตรธมฺมญฺจ ภาเวหิ อุปฺปาเทหิ วฑฺเฒหิ จ, เอวํ ภาเวตฺวา

@รโถปมสุตฺต(สฺยา), องฺ.ติก. ๒๐/๑๖/๑๐๙ อปณฺณกสุตฺต, อภิ.วิ. ๓๕/๕๑๙/๓๐๐ ฌานวิภงฺค จ ชห สีฆํ สมุสฺสยนฺติ ตว สมุสฺสยํ อตฺตภาวํ ปฐมํ ตาว ตปฺปฏิพทฺธ- ฉนฺทราคปฺปหาเนน สีฆํ ๑- น จิรสฺเสว ปชห, เอวํภูโต จ ปจฺฉา จริมกจิตฺตนิโรเธน อนวเสสโต จ ปชหิสฺสตีติ. อรหตฺตํ ปน ปตฺวา เถโร อญฺญํ พฺยากโรนฺโต ตเมว คาถํ ปจฺจุทาหาสีติ.

สีหตฺเถรคาถาวณฺณนา นิฏฺฐิตา.