[๙๒] ๒- "ยสฺสาสวา ปริกฺขีณา อาหาเร จ อนิสฺสิโต

สุญฺญโต อนิมิตฺโต จ วิโมกฺโข ยสฺส โคจโร.

อากาเสว สกุนฺตานํ ปทํ ตสฺส ทุรนฺวยนฺ"ติ คาถํ อภาสิ. ๒-

ตตฺถ ยสฺสาสวา ปริกฺขีณาติ ยสฺส อุตฺตมปุคฺคลสฺส กามาสวาทโย จตฺตาโร อาสวา สพฺพโส ขีณา อริยมคฺเคน เขปิตา. อาหาเร จ อนิสฺสิโตติ โย จ อาหาเร ตณฺหาทิฏฺฐินิสฺสเยหิ อนิสฺสิโต อคธิโต ๓- อนชฺฌาปนฺโน, นิทสฺสนมตฺตํ, อาหารสีเสเนตฺถ จตฺตาโรปิ ปจฺจยา คหิตาติ ทฏฺฐพฺพํ. ปจฺจยปริยาโย วา อิธ อาหารสทฺโท เวทิตพฺโพ. สุญฺญโต อนิมิตฺโต จาติ เอตฺถ อปฺปณิหิตวิโมกฺโขปิ