ลาภาลาเภน มถิตา สมาธึ นาธิคจฺฉนฺตี"ติ คาถํ อภาสิ.

ตตฺถ มาเนน วญฺจิตาเสติ "เสยฺโยหมสฺมี"ติอาทินยปฺปวตฺเตน มาเนน อตฺตุกฺกํสนปรวมฺภนาทิวเสน กุสลภณฺฑจฺเฉทเนน วิปฺปลฺลทฺธา. สงฺขาเรสุ สงฺกิลิสฺส- มานาเสติ อชฺฌตฺติกพาหิเรสุ จกฺขาทีสุ เจว รูปาทีสุ จ สงฺขตธมฺเมสุ สงฺกิลิสฺส- มานา, "เอตํ มม, เอโสหมสฺมิ, เอโส เม อตฺตา"ติ ตํ นิมิตฺตํ ตณฺหาคาหาทิวเสน ๑- สงฺกิเลสํ อาปชฺชมานา. ลาภาลาเภน มถิตาติ ปตฺตจีวราทีนญฺเจว วตฺถาทีนญฺจ ลาเภน เตสํเยว จ อลาเภน ตํ นิมิตฺตํ อุปฺปนฺเนหิ อนุนยปฏิเฆหิ มถิตา มทฺทิตา อภิภูตา. นิทสฺสนมตฺตญฺเจตํ, อฏฺฐนฺนมฺปิ โลกธมฺมานํ เจตฺถ ๒- สงฺคโห ทฏฺฐพฺโพ. สมาธึ นาธิคจฺฉนฺตีติ เต เอวรูปา ปุคฺคลา สมาธึ สมถวิปสฺสนาวเสน จิตฺเตกคฺคตํ กทาจิปิ น วินฺทนฺติ น ปฏิลภนฺติ น ปาปุณนฺติ สมาธิสํวตฺตนิกานํ ธมฺมานํ อภาวโต, อิตเรสญฺจ ภาวโต. อิธาปิ ยถา มานาทีหิ อภิภูตา อวิทฺทสุโน

เสตุจฺฉตฺเถรคาถาวณฺณนา นิฏฺฐิตา.