กิเลสา ฌาปิตา มยฺหํ ฯเปฯ กตํ พุทฺธสฺส สาสนนฺ"ติ.

ฉฬภิญฺโญ ปน หุตฺวา สูลโต อุฏฺฐหิตฺวา ปรานุทฺทยาย อากาเส ฐตฺวา ปาฏิหาริยํ ทสฺเสสิ. มหาชโน อจฺฉริยพฺภูตจิตฺตชาโต อโหสิ. ตาวเทวสฺส วโณ สํรุฬฺหิ, โส ภิกฺขูหิ "อาวุโส ตาทิสํ ทุกฺขํ อนุภวนฺโต กถํ ตฺวํ วิปสฺสนํ อนุยุญฺชิตุํ อสกฺขี"ติ ปุฏฺโฐ "ปเคว เม ๑- อาวุโส สํสาเร อาทีนโว, สงฺขารานํ จ สภาโว สุทิฏฺโฐ, เอวาหํ ตาทิสํ ทุกฺขํ อนุภวนฺโตปิ อสกฺขึ วิปสฺสนํ วฑฺเฒตฺวา วิเสสํ อธิคนฺตุนฺ"ติ ทสฺเสนฺโต:-

[๑๒๑] "นตฺถิ โกจิ ภโว นิจฺโจ สงฺขารา วาปิ สสฺสตา

อุปฺปชฺชนฺติ จ เต ขนฺธา จวนฺติ อปราปรํ.