ตตฺถ สุสฺสูสาติ โสตพฺพยุตฺตสฺส สพฺพสุตสฺส โสตุมิจฺฉา, ครุสนฺนิวาโสปิ. ทิฏฺฐธมฺมิกาทิเภทํ หิ อตฺถํ โสตุมิจฺฉนฺเตน ๖- กลฺยาณมิตฺเต อุปสงฺกมิตฺวา

@๔ ม. วิเวกาวาสญฺจ ๕ สี. ปนฺถานิ ๖ สี. โสตุมิจฺฉนฺโต วตฺตกรเณน ปยิรุปาสิตฺวา ๑- ยทา เต ปยิรุปาสนาย อาราธิตจิตฺตา กญฺจิ อุปนิสีทิตุกามา โหนฺติ, อถ เน อุปนิสีทิตฺวา อธิคตาย โสตุมิจฺฉาย โอหิตโสเตน โสตพฺพํ โหตีติ ครุสนฺนิวาโสปิ สุสฺสูสาเหตุตาย "สุสฺสูสา"ติ วุจฺจติ. สา ปนายํ สุสฺสูสา สจฺจปฏิจฺจสมุปฺปาทาทิปฏิสํยุตฺตํ สุตํ ตํสมงฺคิโน ปุคฺคลสฺส วฑฺเฒติ พฺรูเหตีติ สุตวฑฺฒนี, พาหุสจฺจการีติ อตฺโถ. สุตํ ปญฺญาย วฑฺฒนนฺติ ยํ ตํ "สุตธโร สุตสนฺนิจโย"ติ, ๒- "อิเธกจฺจสฺส พหุกํ สุตํ โหติ สุตฺตํ เคยฺยํ เวยฺยากรณนฺ"ติ ๓- จ เอวมาทินา นเยน วุตฺตํ พาหุสจฺจํ, ตํ อกุสลปฺปหานกุสลาธิคมนเหตุภูตํ ปญฺญํ วฑฺเฒตีติ สุตํ ปญฺญาย วฑฺฒนํ, วุตฺตเญฺหตํ ภควตา:-

"สุตาวุโธ โข ภิกฺขเว อริยสาวโก อกุสลํ ปชหติ, กุสลํ ภาเวติ,