วิหรโต นตฺถิ ภยํ วา

ฉมฺภิตตฺตํ วา โลมหํโส วา"ติ คาถาทฺวยํ อภาสิ.

ตตฺถ เทโว จ วสฺสติ, เทโว จ คฬคฬายตีติ เทโว เมโฆ วสฺสติ จ, "คฬคฬา"ติ จ กโรนฺโต ๒- คชฺชตีติ อตฺโถ. คชฺชนฺตสฺส หิ อนุกรณเมตํ. เอกโก จาหํ เภรเว พิเล วิหรามีติ อหญฺจ เอกโก อสหาโย สปฺปฏิภยายํ ปพฺพตคุหายํ วสามิ, ตสฺส มยฺหํ เอวํภูตสฺส เม สโต นตฺถิ ยํ วา ฉมฺภิตตฺตํ วา โลมหํโส วาติ จิตฺตุตฺราสสญฺญิตํ ภยํ วา ตํนิมิตฺตกํ ๓- สรีรสฺส ฉมฺภิตตฺตํ วา โลมหํสนมตฺตํ วา นตฺถิ.

กสฺมาติ? ตตฺถ การณมาห "ธมฺมตา มเมสา"ติ. อปริญฺญาตวตฺถุกสฺส