ทุคฺคตึ นาภิชานามิ คนฺโธทกสฺสิทํ ผลํ.

กิเลสา ฌาปิตา มยฺหํ ฯเปฯ กตํ พุทฺธสฺส สาสนนฺ"ติ.

อรหตฺตํ ปน ปตฺวา วิมุตฺติสุเขน วิหรนฺเต ตสฺมึ ตสฺส ญาตกา อมจฺจา ปาริสชฺชา นาครา ชานปทาติ สพฺเพ สมาคนฺตฺวา "ภนฺเต กสฺมา ตฺวํ อเมฺห อนาเถ กตฺวา ปพฺพชิโต"ติ ปริเทวึสุ. เถโร เต ญาติปมุเข มนุสฺเส ปริเทวนฺเต ทิสฺวา เตสํ อตฺตโน ปพฺพชฺชาการณวิภาวนมุเขน ธมฺมํ กเถนฺโต:-

[๒๕๕] "สุณาถ ญาตโย สพฺเพ ยาวนฺเตตฺถ สมาคตา