อาทีนโว ปาตุรหุ นิพฺพิทา สมติฏฺฐถ.

[๓๐๒] ตโต จิตฺตํ วิมุจฺจิ เม ปสฺส ธมฺมสุธมฺมตํ

ติสฺโส วิชฺชา อนุปฺปตฺตา กตํ พุทฺธสฺส สาสนนฺ"ติ อิมาหิ คาถาหิ อตฺตโน ปฏิปตฺตึ กเถนฺโต อญฺญํ พฺยากาสิ.

ตตฺถ ชาตรูเปน สญฺฉนฺนาติ ชาตรูปมเยน สีสูปคาทิอลงฺกาเรน อลงฺกรณ- วเสน ปฏิจฺฉาทิตสรีรา, สพฺพาภรณภูสิตาติ อตฺโถ. ทาสีคณปุรกฺขตาติ ยถารหํ อลงฺกตปฏิยตฺเตน อตฺตโน ทาสิคเณน ปุรโต กตา ปริวาริตาติ ๑- อตฺโถ. องฺเกน ปุตฺตมาทายาติ "อปิ นาม ปุตฺตมฺปิ ทิสฺวา เคหสฺสิตสาโต ๒- ภเวยฺยา"ติ ปุตฺตํ อตฺตโน องฺเกน คเหตฺวา.