อายนฺตินฺติ อาคจฺฉนฺตึ. สกปุตฺตสฺส มาตรนฺติ มม โอรสปุตฺตสฺส ชนนึ, มยฺหํ ปุราณทุติยิกนฺติ อตฺโถ. สพฺพมิทํ เถโร อตฺตโน กามราคสมุจฺเฉทํ พหุมญฺญนฺโต วทติ. โยนิโส อุทปชฺชถาติ "เอวรูปาปิ นาม สมฺปตฺติ ชราพฺยาธิ- มรเณหิ อภิภุยฺยติ, อโห สงฺขารา อนิจฺจา อธุวา อนสฺสาสิกา"ติ เอวํ โยนิโส- มนสิกาโร อุปฺปชฺชิ. เสสํ เหฏฺฐา วุตฺตนยเมว.

จนฺทนตฺเถรคาถาวณฺณนา นิฏฺฐิตา.