กิเลสา ฌาปิตา มยฺหํ ฯเปฯ กตํ พุทฺธสฺส สาสนนฺ"ติ.

โส อรหตฺตํ ปตฺวา สตฺถารํ วนฺทิตุํ สาวตฺถึ อาคโต ญาตีหิ อุปฏฺฐิยมาโน ตตฺถ กติปาหํ วสิตฺวา ธมฺมํ เทเสตฺวา ญาตเก สรเณสุ จ สีเลสุ จ ปติฏฺฐาเปตฺวา ยถาวุตฺตฏฺฐานเมว คนฺตุกาโม อโหสิ. ตํ ญาตกา "อิเธว ภนฺเต วสถ, มยํ ปฏิชคฺคิสฺสามา"ติ ยาจึสุ. โส คมนาการํ ทสฺเสตฺวา ฐิโต อตฺตนา วสิตฏฺฐาน- กิตฺตนาปเทเสน วิเวกาภิรตึ ปกาเสนฺโต:-

[๓๐๗] "ยทา พลากา สุจิปณฺฑรจฺฉทา

กาฬสฺส เมฆสฺส ภเยน ตชฺชิตา