ภาเวนฺโต สติปฏฺฐาเนติ มคฺคปริยาปนฺเน กายานุปสฺสนาทิเก จตฺตาโร สติปฏฺฐาเน อุปฺปาเทนฺโต วฑฺเฒนฺโต จ. อินฺทฺริยานีติ มคฺคปริยาปนฺนานิเอว สทฺธาทีนิ ปญฺจินฺทฺริยานิ. พลานีติ ตถา สทฺธาทีนิ ปญฺจ พลานิ. โพชฺฌงฺคานีติ ตถา สติสมฺโพชฺฌงฺคาทีนิ สตฺต โพชฺฌงฺคานิ. จสทฺเทน ๓- สมฺมปฺปธานอิทฺธิปาท- มคฺคงฺคานิ สงฺคณฺหาติ. ตทวินาภาวโต หิ ตคฺคหเณเนว เตสํ คณนํ ๔- โหติ. วิหริสฺสามีติ ยถาวุตฺเต โพธิปกฺขิยธมฺเม ภาเวนฺโต มคฺคสุเขน ตทธิคมสิทฺเธน ผลสุเขน นิพฺพานสุเขน จ วิหริสฺสามิ.

อารทฺธวีริเยติ จตุพฺพิธสมฺมปฺปธานวเสน ปคฺคหิตวิริเย. ปหิตตฺเตติ นิพฺพานํ

@๓ สี. จการสมุจฺจเยน ๔ ฉ.ม. คหนํ ปติเปสิตจิตฺเต. นิจฺจํ ทฬฺหปรกฺกเมติ สพฺพกาลํ อสิถิลวิริเย. อวิวาทวเสน กาย- สามคฺคิทานวเสน จ สมคฺเค. ทิฏฺฐิสีลสามญฺเญน สหิเต สพฺรหฺมจารี ทิสฺวา. เอเตน กลฺยาณมิตฺตสมฺปตฺตึ ทสฺเสติ.