อนุสฺสรนฺโต สมฺพุทฺธนฺติ สมฺมา สามํ สพฺพธมฺมานํ พุทฺธตฺตา สมฺมาสมฺพุทฺธํ สพฺพสตฺตุตฺตมตาย อคฺคํ อุตฺตเมน ทมเถน ทนฺตํ อนุตฺตรสมาธินา สมาหิตํ อตนฺทิโต อนลโส หุตฺวา รตฺตินฺทิวํ สพฺพกาลํ "อิติปิ โส ภควา อรหนฺ"ติอาทินา อนุสฺสรนฺโต วิหริสฺสามิ. เอเตน พุทฺธานุสฺสติภาวนาย ยุตฺตาการทสฺสเนน ๑- สพฺพตฺถ กมฺมฏฺฐานานุโยคมาห, ปุริเมน ปาริหาริยกมฺมฏฺฐานานุโยคํ.

เอวํ ปน วตฺวา เถโร วิปสฺสนํ อุสฺสุกฺกาเปตฺวา อรหตฺตํ ปาปุณิ. เตน วุตฺตํ อปทาเน ๒-:-

"อิโต สตสหสฺสมฺหิ กปฺเป อุปฺปชฺชิ นายโก

อโนมนาโม อมิโต นาเมน ปทุมุตฺตโร.