สติยา ตํ นิพนฺธิสฺสนฺติ โคจรชฺฌตฺตโต พหิ คนฺตุํ อเทนฺโต สติโยตฺเตน กมฺมฏฺฐานถมฺเภ จิตฺตกลิ ตํ นิพนฺธิสฺสามิ นิยเมสฺสามิ. ๓- ปยุตฺโต เต ทเมสฺสามีติ ตตฺถ นิพนฺธนฺโตเอว ยุตฺตปฺปยุตฺโต หุตฺวา เต ทเมสฺสามิ, สงฺกิเลสมลโต ตํ วิโสเธสฺสามิ. ๔- วีริยธุรนิคฺคหิโตติ ยถาวุตฺโต ๕- เฉเกน สุสารถินา ๖- ยุเค โยชิโต ยุคนิคฺคหิโต ยุคนฺตรคโต ๗- ตํ นาติกฺกมติ, เอวํ ตฺวมฺปิ จิตฺต มม วิริยธุเร นิคฺคหิโต สกฺกจฺจการิตาย สาตจฺจการิตาย อญฺญถา วตฺติตุํ อลภนฺโต อิโต โคจรชฺฌตฺตโต ทูรํ พหิ น คมิสฺสสิ. ภาวนานุยุตฺตสฺส หิ กมฺมฏฺฐานโต อญฺญํ อาสนฺนมฺปิ ลกฺขณโต ทูรเมวาติ เอวํ เถโร อิมาหิ คาถาหิ อตฺตโน จิตฺตํ นิคฺคณฺหนฺโตว วิปสฺสนํ วฑฺเฒตฺวา อรหตฺตํ ปาปุณิ. เตน วุตฺตํ อปทาเน ๘-:-

"สุวณฺณวณฺณํ สมฺพุทฺธํ ทฺวตฺตึสวรลกฺขณํ

วิปินคฺเคน คจฺฉนฺตํ สาลราชํว ผุลฺลิตํ.

ติณตฺถรํ ปญฺญาเปตฺวา พุทฺธเสฏฺฐํ อยาจหํ